Nos tur ta deseá lo mihó pa nos muchanan, pero edukashon no tur ora ta fásil. Pa e motibu ei ta hopi balioso pa huntu komo komunidat nos papia tokante edukashon. Pa sostené otro, trata dilemanan den edukashon i interkambiá tepnan. Den e kampaña ‘Raising our Future’ UNICEF Nederland ta bai kòmbersá ku mayornan di Boneiru, Sint Eustatius i Saba tokante edukashon. Pa inspirá otro famianan interkambiá tepnan i inisiá e kombersashon tokante edukashon. Echo ta ku edukashon bo no ta hasi bo so, esei ta huntu bo ta hasi’é.
Mayornan, kuidadónan, wela i tawelanan, bisiña, dosentenan, coachnan di deporte, tio i tantanan, tur ta hunga un papel den e edukashon di e siguiente generashon o sea ‘Raising our future’. Dor di pone atenshon riba e importansia di edukashon pa medio di mini-dokumentalnan, teatro i tepnan edukativo, nos ta sòru huntu pa muchanan krese sano i salvo i ku nan por desaroyá nan mes di un manera óptimo.
Den hèrfst di 2024 Archell ta bai bèk na e islanan pa trein trahadó di teaternan i boluntarionan di nos islanan den e tèknika di storytelling. Komo parti di e kampaña akí kontadó di kuenta profeshonal, Archell Thompson, a kòmbersá ku mayornan aña pasá tokante edukashon den forma di teater. Storytelling ta un téknika fuerte pa trata temanan di importansia sosial, manera edukashon, pa medio di teater na un nivel no muchu haltu pa asina hasi e temanan akí diskutibel.
Siguiendo ehèmpel di aña pasá mini-dokumentalnan lo wòrdu grabá ku Archell Thompson. Den e ròndu akí nos lo pone tatanan di Boneiru, Statia i Saba sentral. Chèk e videonan di aña pasá, den kual mayornan i kuidadónan ta papia tokante paternidat positivo. Asina entre otro Regiline ta duna tepnan tokante edukashon di teenager, Paula i Jacquil ta konta di nan eksperensia ku nan oochinan hóben i Alexandra ta splika kon el a adaptá su manera di eduká. Tur mini-dokumental ta optenibel den 3 idioma: na hulandes, ingles i papiamentu.
Mayornan i kuidadónan di Boneiru, Statia i Saba ta interkambiá tepnan edukativo i ta kompartí nan eksperensianan durante henter e aña akí den e kampaña. E tepnan akí kontinuamente ta aparesé riba nos página de Facebook UNICEF Dutch Caribbean. UNICEF ta hasi esaki pa sostené mayornan pa asina nan duna nan yunan nan mihó start den bida. Bishitá tambe nos website internashonal pa mas informashon, konseho, echonan i guia tokante paternidat di nos ekspertonan di UNICEF International.
Raising our Future ta un suseshon di e kampaña Quality Time. Kaminda pasa tempu huntu ta pará sentral. Pa e kampaña akí tambe den 2022 a graba bunita kombersashonnan ku mayornan i Archell. Mayornan ta interkambiá idea i inspirashon ku otro pa asina kreá momentonan chikí durante di dia pa hasi algu agradabel ku nan yunan. Asina ei Natasha i Shimail ta bai speeltuin, Monica ta bai kamper den kurá ku su yunan i famia Lopez ta hunga beisbòl. E videonan akí tambe ta disponibel den 3 idioma: Riba e kanal di Youtube di UNICEF.
E kampañanan ta den koperashon ku mayornan i profeshonalnan di Boneiru, Sint Eustatius i Saba. Nan ta desaroyá den ingles, hulandes i papiamentu. E kampañanan ta un koperashon entre UNICEF Nederland i e Organonan Publiko Boneiru, Sint Eustatius i Saba i e ta forma parti di e BES-programa di UNICEF ku ta posibel danki na Ministerio di Asuntunan Interior i Relashonnan di Reino. Lesa mas tokante nos trabou den Caribe Hulandes.